冇交通安全意识会有什么后果？

听下同学仔同你数白榄你就知啦！

今日跟大家分享

由何锦雄创作，

新会葵城中学何怿榛、彭颖琳，

新会第一中学郑淑桦

共同演绎的

交通安全意识宣传

（2022·粤语版·民谣）

原创：何锦雄

演绎：新会葵城中学 何怿榛、彭颖琳，新会第一中学 郑淑桦

（对话）：

① 喂，唔好以为骑住只绿码就可以系条马路横冲直撞喔。

② 吓？咁要点先得啊？

（数白榄）：

① 嗱，睇下条斑马线，其实我哋都日日见，交通规则都一直冇变架，但总有人，就诈作睇唔见。

② 呢，阿妈话，想去威就要戴头盔，唔戴嘅话就好闭翳，因为阿SIR捉住就要（挥）旗仔。

① 汽车摩的而家各行各路，我哋行人不妨行多几步，千其唔好，冲出马路，以为可以耍翻两度，一旦有乜意外就对大家都唔好啦。

② 讲到意外，我周身都唔自在，而家好多人，呢佢扬扬手，就已经迈步走。

① 睇嚟佢，真系想去长抖定了。

②（过度）唉··嗱讲开啲红绿灯，都算好得戚，但啲行人总系匆匆行色。

① 佢哋睇住部手机，仲健步如飞喔，一旦行差踏错就即刻冇晒心机啦。

② 呢，啲阿公阿婆，日子过得好轻松，但过马路，就唔好系咁冲啦啵，因为你唔知，啲车几时会失控喔。

① 讲到底，都系要讲规矩，你唔讲规矩，就唔好怪比人怼。

② 呢个世界，唔系睇边个行得快，交通要安全，最紧要有边界。

（对话）

① 冇错啦，交通安全，你——

② 我——他——

（合）一定要有意识啊！！